რედაქტორის წინასიტყვაობა

ანოტაცია

სამეცნიერო ჟურნალი „ენათმეცნიერების საკითხები“ წარმოადგენს მნიშვნელოვან პერიოდულ გამოცემას, რომელშიც იბეჭდება ნაშრომები თეორიული, შედარებითი და გამოყენებითი ენათმეცნიერების, ქართველო­ლოგიის, აღმოსავ­ლეთ­მცოდნეობის, კავკასი­ო­ლო­გიის, დასავლეთევროპული ფილო­ლოგიისა და ენათმეცნი­ერების ისტორიის საკითხებზე.

ჟურნალის სარედაქციო  ­კოლეგიის წევრები არიან ჰუმანიტარულ მეცნიე­რებათა ფაკულტეტის ფილოლო­გიის მიმარ­თულების წარ­მომადგენლები, ხოლო სარედაქციო საბჭოს წევრები – გამოჩენილი ქართველი და უცხოელი ენათ­მეცნიერები. ჟურნალი „ენათმეცნიერების საკითხები“ ივანე ჯავახიშვილის სახე­ლობის თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტზე გამოდის 1999 წლიდან. 2007 წლიდან ჟურნალის გამომცემელი ახალი ფორმატითა და გაფართოებული თემატი­კით არის ივანე ჯავახიშვილის სახე­ლობის თბილისის სახელმწიფო უნივერსიტეტის გამომცემლობა. აღნიშნულ პერიოდში დაიბეჭდა 17 ნომერი, რომლებიც    განთავსებულია გამომცემლობის ვებგვერდზე. „ენათმეცნიერების საკითხების“ 2025 წლის ნომერი (2025, N. 18. 145 გვ.), გამოირჩევა სტატიათა თემა­ტური მრავალფეროვნებით და ეძღვნება ფრაზეოლოგიის, ქართველური ენების, ფონეტიკის, ფონოლოგიის, მორფოლოგიის, სინტაქსის, სემანტიკის, ეტიმო­ლოგიის, ლექსიკოლოგიის, ენათა შეპირისპირებითი ანალიზის, ხაზოვანი წარწერების გაშიფვრისა და დიალექტოლოგიის საკითხებს.

ივანე ლეჟავა

ფილოლოგიის დოქტორი, ივანე ჯავახიშვილის სახელობის თბილისის სახელმწიფო უნივერსიტეტის ექსპერიმენტული ფონეტიკის სამეცნიერო-კვლევითი ლაბორატორიის ხელმძღვანელი