ქართულიდან ნასესხები ლექსიკის ადაპტაციისათვის ჰინუხურ ენაში

ანოტაცია

სტატიაში განხილულია ქართულიდან ჰინუხურ ენაში ნასესხები ლექსიკა და დადგენილია ამ ნასესხობათა კანონზომიერებანი. გარკვეულია, რომ ისტორიულად საკვლევ ენებს (resp. ხალხებს) ერთმანეთთან ჰქონდათ მჭიდრო კონტაქტები, რაც ცხადყოფილია ძველი თუ ახალი ლექსიკური ნასესხობებით. შესასწავლ ენათა და დიალექტთა მონაცემების მაქსიმალური გათვალისწინებით, გამოკვლევაში ნაჩვენებია სესხების გზები და შესაბამისი სტრუქტურულ-სემანტიკური ადაპტაციის საკითხები. წარმოდგენილია მარტივ ლექსიკურ ნასესხობათა რელატიური ქრონოლოგიის დადგენის ცდა და ნაჩვენებია შესაბამის სიტყვათა სტრუქტურულ-სემანტიკური ადაპტაციის თავისებურებანი.