პატარა პრინცი მორალურ- ფილოსოფიური კონცეპტ-პერსონაჟი

ანოტაცია

  სტატიაში წარმოდგენილია ფრანგი ეგზისტენციონალისტის ანტუან დე სენტ ეგზიუპერის ფილოსოფიური კონცეფციის მთავარი იდეა მისი ფილოსოფიურ-მხატვრული ნაშრომის ანალიზის მიხედვით. ზღაპრული იგავის „პატარა პრინცის“ გმირი, რომელიც მორალურ-ფილოსოფიური პერსონაა და სხვა პლანეტიდან სტუმრობს დედამიწას, ერთგვარ მეგზურად გვევლინება ჭეშმარიტებისაკენ სავალ გზაზე. მარადიულსა და ჭეშმარიტს მარტოოდენ გონება ვერ ხედავს. ადამიანობის მისიის შესრულება ძალისხმევას მოითხოვს, რომელსაც სწავლა სჭირდება. პატარა პრინცი გვთავაზობს გზას, რომელსაც უმაღლესი ჭეშმარიტებისაკენ მივყავართ და ცდილობს, ფილოსოფიის ლამპრით გაფანტოს გონების წყვდიადი. ჩვენ მისი მეგზურნი ვართ გზაზე, რომელიც საკუთარ სულზე, გულსა და გონებაზე გადის. ვმსჯელობთ, ვფიქრობთ და ვსწავლობთ, თუ რა არის ჭეშმარიტება, როგორ მივეახლოთ მას.